Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

‘घुस काण्ड’ बाहिरिएपछि गृह तानिए दोलखाका सिडिओ रिजाल (भिडिओसहित)

अभियुक्तका परिवारबाट घुस लिएको बाहिरिएपछि दोलखाका प्रमुख जिल्ला अधिकारी खगेन्द्रप्रसाद रिजाललाई गृह मन्त्रालयमा तानिएको छ।
दुई भिन्न मुद्दाका तीन अभियुक्तसँग रिजालले बुधबार एक लाख ११ हजार रुपैयाँ  ‘घुस’ लिएका थिए। उनले एक लाख रूपैयाँ मागेर दश हजारको मात्रै रसिद दिएका थिए भने ३५ हजार मागेर १४ हजार रूपैंयाको मात्रै रसिद दिएका थिए।
रिजालले घटना बाहिरिएपछि बिहीबार रकम फिर्ता गरेका थिए।
‘उहाँलाई दोलखाको प्रजिअको जिम्मेवारीबाट हटाएर गृह मन्त्रालय तानिएको छ,’ गृह मन्त्रालयका प्रवक्ता केदारनाथ शर्माले सेतोपाटीसँग भने, ‘दोलखामा सहायक सिडिओलाई निमित्त सिडिओको जिम्मेवारी दिइएको छ।’
जिल्ला प्रशासन कार्यालय दोलखाका अनुसार रिजाल आफूले चलाउने सरकारी टेलिफोन नम्बर ‘सहायक सिडिओलाई दिनू’ भन्दै शुक्रबार मध्यान्ह हिँडेका छन्।
गृहले संभवत आइतबार दोलखामा नयाँ सिडिओ पठाउने शर्माले बताए।
भएको के थियो?
दोलखाको मैलुङ-४ का कुमार लामा मोक्तान जनप्रतिनिधि कुटेको अभियोगमा २४ दिनदेखि प्रहरी हिरासतमा थिए।
गत मंगलबार उनलाई जिल्ला प्रशासन कार्यालय दोलखा पुर्‍याइयो। प्रमुख जिल्ला अधिकारी खगेन्द्रप्रसाद रिजालले उनको थुनचेक बहस गरे।
बहस सकिएपछि सिडिओ रिजालले मोक्तानका परिवारसँग १ लाख रुपैयाँ मागे।
न्यून आय भएका मोक्तान परिवार भन्नेबित्तिकै एक लाख रुपैयाँ जुटाउन सक्थेन।
कुमारकी श्रीमती रेणु तामाङले अर्को दिन ऋणधन गरेर पैसा जम्मा गरिन्। साँझ प्रशासन कार्यालय गइन्। सिडिओले पैसाको बिटो समाते।
‘सिडिओले एक लाख रूपैयाँ नभए आठ/नौ वर्ष जेल हालिदिने भनेपछि मैले कहाँ कहाँ घुँडा टेकेर पैसा ल्याएर दिएकी हुँ,’ उनले भनिन्, ‘पैसा कम गरिदिनू भन्दा यो पसल हो र? भन्दै सिडिओले थर्काएपछि एक लाख रूपैयाँ नै बुझाएका हौं।’
प्रजिअ रिजालले मुद्दा शाखाबाट बिल लैजानू भने।  रेणु रसिद लिएर घर फर्किइन्।
अर्को दिन (बिहीबार) बिहान उनले श्रीमान् छुटाउन तिरेको रसिद हेरिन्। रसिदको अंकमा मात्र होइन अक्षरमा  पनि दश हजार रुपैयाँमात्र तिरेको लेखिएको थियो। उनले परिवारका अरू सदस्यलाई सिडिओले धेरै पैसा लिएको तर बिलमा नलेखेको सुनाइन्।  उनीहरू फेरि प्रशासन कार्यालय गए।
कालिन्चोक गाउँपालिका-१ का उदिम तामाङ र इन्द्रबहादुर तामाङबाट पनि सिडिओले १४ हजारको रसिद दिएर ३५ हजार रुपैयाँ लिएको भन्दै पुगेका थिए।
सिडिओले घुस लिएको हल्लाखल्ला भएपछि रिजाल बाहिर आए।  
उनीहरू सबैलाई गाडीमा राखेर क्वार्टरमा लिएर गए। पत्रिकामा बेरेको पैसा उनीहरूलाई फिर्ता दिएर घटनाबारे बाहिर नभन्न आग्रह गरे।  
तर उनीहरूले घटनाबारे स्थानीय पत्रकारलाई खबर गरे।
‘सिडिओसाब्, हामीले एक लाख बुझाएको हौं, रसिदमा त जम्मा दश हजारमात्रै लेखेको रहेछ। बाँकी पैसा खोई?,’ घटनाबारे पत्रकारहरूसँग रेणुले भनिन्, ‘अघिल्लो दिन पैसा माग्दा रिसाउनुभएका सिडिओसाब् बिहीबार बिहान त हँसिलो देखिनुभयो। क्वार्टरमा लगेर पत्रिकामा बेरेर ९० हजार फिर्ता दिनुभयो।’
सेतोपाटीलाई प्राप्त भिडिओमा प्रजिअ रिजालले घटनाका पीडित भनिएकाहरूलाई क्षतिपूर्ति भराउन रसिदमा उल्लेख गरिएकोभन्दा धेरै रकम लिइएको स्वीकारेका छन्।
दश हजारको रसिद दिएर बाँकी ९० हजार आफूले राखेको र बिहीबार फिर्ता गरिसकेको रिजालको भनाइ छ। ‘हाम्रो पैसा खोइ भन्दै माग्न आएपछि ९० हजार फिर्ता गरिदिएको हुँ,’ उनले भनेका छन्।
तर प्रजिअले अभियुक्तका परिवारसँग पैसा लिन मिल्ने कुनै कानुनी व्यवस्था छैन।
‘धरौटी कति तिराउने, क्षतिपुर्ति कति दिने सबै कुरा मुद्दाको फैसलामा लेखिएको हुनुपर्छ। पैसा लिनु नै पर्ने भए पनि त्यो मुद्दा वा लेखा शाखाले राख्छ,’ एक पूर्वसिडिओले सेतोपाटीसँग भने,‘यस्तो मुद्दाको पैसा सिडिओले छुनु पनि आचरणविपरित मानिन्छ। उहाँले त क्वार्टरमै लिएर राख्नुभएछ।’
रकम फिर्ताबारे सेतोपाटीले शुक्रबार बिहान सिडिओ रिजाललाई टेलिफोन गर्दा उनले बोल्न मानेनन्। अतिरिक्त पैसा लिनुभएको हो भन्ने सेतोपाटीको प्रश्न सुनेपछि उनले फोन काटिदिए।

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।