Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

राजधानीको फोटो स्टुडियोबाट काँग्रेसदेखि विप्लव समूहको नाममा ‘धन्दा’ !

काठमाडौँ । बिहीबार बिहान ११ बजेको समयमा सिनामङ्गलस्थित स्टार डिजिटल फोटो स्टुडियोमा अन्दाजी ३० वर्षीय अपरिचित युवक फोटो खिच्न भन्दै पुगे । स्टुडियो सञ्चालक हुन्, ‘चितवन रत्ननगर घर भएका ३४ वर्षीय अमृत सुर्खेती ।’
स्टुडियो सञ्चालक सुर्खेतीले फोटो खिच्नुअघि ती युवकतर्फ हेर्दै भने, ‘६ प्रतिको दुई सय रुपैयाँ लाग्छ, १२ प्रति निकाल्नुभयो भने ३ सय रुपैयाँ !’
‘एउटा अफिसमा कामको लागि कुरा गरेको थिएँ, बायोडाटामा टाँस्नको लागि हो । ६ प्रति भएपनि हुन्छ,’ ती युवकले स्टुडियो सञ्चालक सुर्खेतीलाई भने ।
सुर्खेतीले स्टुडियोभित्र लगेर ती युवकको फोटो खिचे ।
फोटो खिच्ने क्रममै ती युवकले सुर्खेतीलाई बिनम्र हुँदै सोधे, ‘मलाई ३÷४ जनाको नक्कली ‘सर्टिफिकेट’ बनाउनुपर्ने थियो । तपाईँले त्यस्तो कोही मान्छे चिन्नुभएको छ ?’
त्यतिबेलासम्म फोटो खिचिसकेर सुर्खेतीले क्यामेराबाट चिप्स निकालेर कम्प्युटरमा राखेर ‘इडिट’ गर्न खोज्दै थिए ।
युवकको कुरा सुनेपछि सञ्चालक सुर्खेती मख्ख परे । ३–४ जनाको भनेपछि पैसा पनि राम्रै आउने भएपछि सुर्खेतीले भने, ‘मान्छे त छन् सर । तर, पैसा चाहिँ अलि बढी नै लाग्छ ।’
यस्तै–यस्तै कुरा चलिरहेको थियो । सायद नक्कली ‘सर्टिफिकेट’ बनाउन आवश्यक कच्चा पदार्थ सबै गरेर २–३ हजार मात्रै लाग्थ्यो । सुर्खेती पनि मख्ख नै थिए । एकैदिनमा १ लाखभन्दा माथिको कमाइ हुनेवाला थियो उनको ।
युवकः कति लाग्छ ?
फोटो सञ्चालकः एउटा बनाउन कम्तिमा पनि ३० देखि ४० हजार लाग्छ ।
युवकः आजभोलिभित्रै बनाइदिन सक्नुहुन्छ ?
फोटो सञ्चालकः आजै बेलुकासम्म बनाइदिन्छु । पैसा एड्भान्स छोड्नुस् ।
युवकः अलि मिलाएर गर्नु न त !
फोटो सञ्चालकः मिलाएर नै भनेको हुँ ।
त्यतिबेलासम्म फोटो पनि ‘प्रिन्ट’ भइसकेको थियो । ती युवकले फोटो खिचेको पैसा दिए ।
एकछिन भन्दै कानमा फोन लगाउँदै ती युवक बाहिर निस्किए । तत्कालै उक्त फोटो स्टुडियोमा ४ जनाको टोली ती युवकसँगै पुग्यो ।
‘उहाँहरुको ‘सर्टिफिकेट’ बनाउनुपर्ने हो,’ ती युवकले आफूसँग गएका तीन जनालाई देखाउँदै भने । सञ्चालक सुर्खेती हाँसेरै कुरा गरिरहेका थिए ।
सुर्खेतीले ती युवकलाई भने, ‘तपाईँ त कति राम्रो मान्छे ।’
यस्तै–यस्तै कुरा चलिरहेको थियो । सायद नक्कली ‘सर्टिफिकेट’ बनाउन आवश्यक कच्चा पदार्थ सबै गरेर २–३ हजार मात्रै लाग्थ्यो । सुर्खेती पनि मख्ख नै थिए । एकैदिनमा १ लाखभन्दा माथिको कमाइ हुनेवाला थियो उनको ।
कुराकानीकै क्रममा ती अपरिचित युवकले ‘हत्कडी’ देखाए । सञ्चालक सुर्खेतीको सातोपुत्लो उड्यो । अनुहारमा भएको चमकमा एकाएक निरासापन देखियो । सुर्खेतीले बुझिहाले– काम लिएर आउने भनिएका ती युवक त प्रहरी पो रहेछन् ।
****
जानकारी सँगै यस्तो क्रियाकलाप रोक्नुपर्ने भन्दै डीआईजी शाही आफै पनि १–२ वटा फोटो स्टुडियोतिर पुगे । डीआईजी शाहीले रातोपाटीसँगको कुराकानीमा भने, ‘घरनजिकैको १–२ वटा फोटो स्टुडियो नजिकै पुगेर त्यहाँको गतिविधि नियालेँ ।’
****
हुन् पनि ती युवक प्रहरी नै थिए अर्थात केन्द्रीय अनुसन्धान ब्यूरो (सीआईबी) मा कार्यरत प्रहरी इन्स्पेक्टर ।
डीआईजीलाई त्यो फोन !
सीआईबीका प्रमुख हुन्, डीआईजी निरज शाही । शाहीलाई एक हप्ताअघि गोरखा घर भएका एक व्यक्तिले मोबाइलमा फोन गरेर भनेका थिए, ‘उपत्यकामा सञ्चालित अधिकांश फोटो स्टुडियोले ‘नक्कली कागजपत्र’ बनाउने गर्छन् ।’
जानकारी सँगै यस्तो क्रियाकलाप रोक्नुपर्ने भन्दै डीआईजी शाही आफै पनि १–२ वटा फोटो स्टुडियोतिर पुगे । डीआईजी शाहीले रातोपाटीसँगको कुराकानीमा भने, ‘घरनजिकैको १–२ वटा फोटो स्टुडियो नजिकै पुगेर त्यहाँको गतिविधि नियालेँ ।’
डीआईजी शाही पनि फोटो स्टुडियोहरुले नक्कली कागजपत्र बनाएर बिक्रीवितरण गर्ने कुरामा सहमत भए । अनि सीआईबीबाट ५–६ वटा टोली परिचालन भयो ।
विगत ४ वर्षदेखि सिनामङ्गलमा फोटो स्टुडियो सञ्चालन गर्दै आएका सुर्खेतीले पनि नक्कली कागजपत्र बनाएर बिक्री गर्ने गर्थे । र, मोटो रकम असुल्दै आएका थिए ।
सुर्खेतीसँगै अन्य २ जना पनि पक्राउ
सुर्खेतीसँगै सीआईबीले थप २ जनालाई पनि त्यसैगरी पक्राउ गरेको छ । पक्राउ पर्नेमा २६ वर्षीय मधुसुदन दवाडी र ३४ वर्षीय सबिन कुमार तोलाङ्गी रहेका छन् ।
सामाखुसी गोंगबुस्थित टाउन प्लानिङ बस्दै आएका ओखलढुङ्गा घर भएका तोलाङ्गीले कोठाबाटै नक्कली कागजपत्र बनाउँदै आएको प्रहरीको प्रारम्भिक अनुसन्धानबाट खुल्न आएको छ ।
धादिङ निलकण्ठ नगरपालिका घर भएका दवाडी पनि फोटो स्टुडियो सञ्चालक हुन् । विगत ५ वर्षदेखि बसुन्धारामा दवाडी डिजिटल फोटो स्टुडियो सञ्चालन गर्दै आएका थिए ।
पक्राउ परेका तीनै जनालाई शुक्रबार सीआईबी पत्रकार सम्मेलनमार्फत सार्वजनिक गरेको छ ।
पत्रकार सम्मेलनमा डीआईजी निरज शाही । 

उनीहरुमाथि थप अनुसन्धान भइरहेको प्रहरीको भनाइ छ ।
विप्लव समूह र नेपाली काँग्रेसको ‘लेटरहेड’ बरामद
पक्राउ परेका तीनजनाको साथबाट नेपाली काँग्रेसदेखि विप्लव नेतृत्वको नेपाल कम्युनिष्ट पार्टी (नेकपा) सम्मको ‘लेटरहेड’ बरामद भएको छ । नेपाली काँग्रेस, नेपाल विद्यार्थी संघ, नेपाल कम्युनिष्ट पार्टी र नेपाल तरुण दल लेखिएको ‘लेटरहेड’ बरामद छ । सो लेटरहेडको प्रयोगबाट विभिन्न व्यक्तिमार्फत चन्दा आतंक समेत मच्चाउने गरिएको प्रहरीको भनाइ छ ।
सीआईबीका प्रमुख शाहीका अनुसार राजनीतिक पहुँचको मान्छे हुँ भन्दै देखाउनका लागि अभियुक्तले यस्ता राजनीतिक पार्टीका ‘लेटरहेड’ बनाएर राखेका हुनसक्छ । उनले भने, ‘यस्तो अवस्थामा अमेरिका, युरोप जान सजिलो हुन्छ ।’
प्रहरीको प्रारम्भिक अनुसन्धानमा यस्तो काम गर्दै उनीहरु आफै विदेश जाने तयारी गर्दै थिए । विप्लव समूहको नाम बिकाउँदै उनीहरुले चन्दा समेत मागेको हुनसक्छ ।
कालीमाटी वृत्तको ‘लेटरहेड’ पनि...
उनीहरुको साथबाट प्रहरीको ‘लेटर हेड’ समेत बरामद भएको छ ।  महानगरीय प्रहरी वृत्त, कालीमाटी, काठमाडौं लेखिएको ‘लेटर हेड’ बरामद भएको हो । डीआईजी शाही भन्छन्, ‘प्रहरी रिपोर्ट समेत उनीहरुले बनाउँदै आएको खुलेको छ ।’
यस्तै उनीहरुले सशस्त्र प्रहरी बल बंगलामुखी विशेष कार्यदल गणको ‘लेटरहेड’ बनाएर सुमन खत्री नामको व्यक्तिलाई प्रमाणपत्र समेत दिएका छन् ।
उनीहरुका साथबाट के–के बरामद भयो ?
१. प्रहरी प्रधान कार्यालयको लेटर प्याडमा तयार भएको पुलिस रिपोर्टहरु ।
२. प्लस २ को एकेडेमिक ट्रान्सक्रिप्ट, प्रोभिसनल सर्टिफिकेट, माइग्रेसन सर्टिफिकेट ।
३. सशस्त्र प्रहरी बल बंगलामुखी विशेष कार्यदल गण हलचोकको स्पेशल टाक्स फोर्स, सुरक्षा तालिम, हात हतियार तालिम, बिशिष्ट व्यक्तिको सुरक्षा तालिमको प्रमाण पत्र ।
४. विभिन्न विद्यालयहरूको ‘डिस्टिक लेभल एक्जामेसन एजुकेशन बोर्ड’ को मार्कसिट तथा शैक्षिक प्रमाण पत्रहरू ।
५. नेपाल आर्मीले प्रदान गरेको सिफारिसम्बन्धी पत्र ।
६. महानगरीय प्रहरी वृत कालीमाटीको लेटर प्याड तथा सिफारिसम्बन्धी लेखिएको पत्रहरू ।
७. विभिन्न जिल्ला प्रशासन कार्यालयहरूबाट जारी अंग्रेजी लिपिमा लेखिएको नागरिकता प्रमाणपत्रहरू ।
८. काठमाडौ महानगरपालिकाको सहीछाप गरेको खाली लेटर प्याड, वडा कार्यालयको सिफारिस पत्र ।
९. पार्टी कार्यालयहरूका लेटर प्याडहरूमा लेखिएको पत्रहरू ।
१०.  बैंक स्टेटमेन्ट, मेडिकल रिपोर्ट, स्थायी लेखा नम्बरको प्रमाण पत्र ।
के छ कानुनी प्रावधान ?
 मुलुकी अपराध संहिता २०७४ को परिच्छेद २५ को लिखित सम्बन्धी कसुर अन्तर्गत दफा २०७६ विपरित कसुर भएको ठहरिए २७६ ९३ को ग० बमोजिम ७ वर्षसम्म कैद र ७० हजारसम्म जरिवाना हुनेछ ।

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।