Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

दिल्लीमा स्वास्थ्य मन्त्रीहरूको प्यानलमा बस्न लागेको थिएँ, मन्त्रालय परिवर्तन भएको मेसेज आयो : मन्त्री यादव


 उपप्रधान तथा नवनियुक्त कानुन मन्त्री उपेन्द्र यादवले शुक्रबार मन्त्रालयमा पत्रकार भेटघाट कार्यक्रम राखेर स्वास्थ्य मन्त्रीबाट हटाइदाको अनुभव सुनाए।
प्रधानमन्त्री केपी शर्मा ओलीले अघिल्लो हप्ता मन्त्रिपरिषद् पुनर्गठन गर्नुअघि उपेन्द्र यादव उपप्रधान तथा स्वास्थ्य मन्त्री थिए।
उनले नेतृत्व गरेपछि स्वास्थ्य मन्त्रालय प्रधानमन्त्रीको मूल्यांकन सूचकमा ‘रेड जोन’मा परिसकेको थियो।
मन्त्रिपरिषद् पुनर्गठन हुँदा यादवलाई प्रधानमन्त्रीले कानुन मन्त्रीमा सरूवा गरिदिए। त्यतिबेला भने यादव भारतको दिल्लीमा थिए।
विश्व स्वास्थ्य संगठन र भारत सरकारको संयुक्त आयोजनामा वाल्ट समिट भएको थियो। त्यसमा नेपालको प्रतिनिधित्व गर्न उनी भारतमा थिए।
उनलाई मन्त्रिपरिषदले नै निर्णय गरेर उक्त समिटका लागि भारत पठाएको थियो।
उक्त कार्यक्रमको उद्घाटन सत्रमा बोल्ने मौका अरू चार/पाँच मुलुक जस्तै नेपालले पनि पाएको थियो।
यादवले त्यस कार्यक्रममा नेपालको स्वास्थ्य मन्त्रीको हैसियतले बोलेका थिए। त्यसको भोलिपल्ट समिटमा प्यारलल सेसनमा पनि नेपालले भाग लिँदै थियो। यादव भारत जानुअघि देखि नै नेपालमा भने मन्त्रिपरिषद् पुनर्गठनको सरगर्मी बढेको थियो।
पुनर्गठनको कुरा उठे पनि प्रधानमन्त्रीसँग उनको भेट भएको थिएन। उता मंसिर ४ गते वाल्ट समिटमा प्यारलल सेसन सुरू भयो।
उक्त सेसनमा उपप्रधान तथा स्वास्थ्य मन्त्री यादव बस्नै लागेका थिए। त्यो दिन पनि उनको बोल्ने पालो थियो।
यता मन्त्रिपरिषद् पुनर्गठन भयो। यादवलाई पनि मेसेज आयो।
'प्यारलल सेसनमा बस्नै लाग्दा मेसेज आयो पोर्ट फोलियो चेन्ज भयो भनेर। बस्न त भएन बढो धर्म संकट थियो। यो त स्वास्थ्य मन्त्रीहरूको सम्मेलन थियो,' यादवले भने, 'बसौं भने आफू स्वास्थ्य मन्त्री रहिएन नबसौं भने नेपालको प्रतिनिधित्व नहुने। पछि मोरालिटी (नैतिकता)ले मलाई त्यहाँ बस्न दिएन। जुन हैसियतमा भाग लिएको थियो त्यो हैसियत नै नरहेपछि अब निस्की भनेर त्यहाँबाट म निस्किएँ। क्लोजिङ सेसनमा पनि गइनँ। अरू साथीहरूले आफ्नो हिसाबले समिटमा बस्नु भयो।' नेपाल फर्किएपछि पनि आफ्नो भेट प्रधानमन्त्री ओलीसँग हुन नपाएको उनले बताए।
अकस्मात स्वास्थ्यबाट कानुन मन्त्रीमा सरूवा भएपछि उनको पार्टीका कतिपयले अपमान भएको भन्दै मिडियामा भनाइ सार्वजनिक गरेका थिए।
उनी आएर आफूलाई नसोधि सरूवा गरेकोमा असन्तुष्टि जनाउँछन् भन्ने धेरैको आंकलन थियो। तर उनले आएर सजिलै सरकार नछोड्ने भन्दै कानुन मन्त्रीमा बहाल भए।
प्रधानमन्त्रीले ‘आफूलाई बढी नै माया गरेर सरूवा गरेको’ प्रतिक्रिया दिए।
यसअघि उनले संविधान संशोधन गर्ने शर्तमा ओली सरकारलाई समर्थन गरेका थिए।
त्यति बेला कि संघर्ष गर्ने नभए वार्ता र सहमतिबाट संशोधन गर्ने दुई बाटो भएको र आफूले सहमतिको बाटो रोजेको यादवले बताए।
'त्यतिखेर संघर्षको विकल्पमा सहमतिको बाटो रोजेका थियौं। संविधान संशोधन अझै पनि हाम्रो मुख्य माग हो। अहिले पनि हामीले उक्त माग सम्बोधनका लागि वार्ता टोली गठन गरेका छौं,' उनले भने, 'संविधान संशोधनको प्रयास गर्ने अवसरको रूपमा यो मन्त्रालयलाई लिएको छु। प्रधानमन्त्रीले आफैं दिनुभएको छ।'
त्यसपछि उनलाई पत्रकारले जिस्क्याउँदै सोधे।
संविधान संशोधनका लागि तपाईंको पार्टीसँग वार्ता गर्ने टोलीमा सरकारको तर्फबाट तपाईंलाई पठाए के हुन्छ? उनी एकछिन हाँसे अनि भने, 'त्यसो भए ठीकै हुन्छ।'
संविधानका निकै विषय सच्याउनुपर्ने धारणा पनि उनले राखे। संविधानमा भएकोमध्ये प्रदेश सरकार र स्थानीय तहको व्यवस्था आफूलाई चित्त नबुझेको उनले सुनाए।
'प्रदेश मातहत स्थानीय तह हुनुपर्थ्यो,' उनले भने, 'प्रदेशलाई पेण्डुलम बनाएर संघीयता चल्दैन। हाम्रोमा संघीयताको परिभाषा नै गलत छ।' यादवले २ हप्ताअघि भएको न्यायाधीश नियुक्ति सिफारिस सही तरिकाले नभएको बताए।
न्यायाधीश पद खाली हुनुभन्दा अघि नै न्यायाधीश सिफारिस र नियुक्ति गर्ने कानुन नभएको भन्दै यसअघिको उच्च अदालतको नियुक्ति कानुनबमोजिम नभएको टिप्पणी गरे।
'उच्च र जिल्ला अदालतमा खाली भएको १ महिनासम्म नियुक्ति गरिसक्नुपर्ने कानुनी व्यवस्था छ। अघि गर्ने कानुन छैन। खाली हुनुभन्दा १ महिनाअघि नै न्यायाधीश सिफारिस गरिसक्नुपर्ने सर्वोच्च अदालतमा हो, ' उनले भने, 'त्यसैले खाली हुनुअगावै गरिएको न्यायाधीश नियुक्ति मिलेको छैन।'
अघिल्लो हप्ता न्यायपरिषदले उच्च अदालतका लागि १५ न्यायाधीश सिफारिस गरेको थियो।
त्यतिबेला १२ खाली पदमा नियुक्ति भए भने बाँकी तीन न्यायाधीशले अवकास पाएपछि नियुक्ति गर्ने गरी सिफारिस भएको थियो।
तीमध्ये तुलसीपुर, पाटन र पोखरा उच्च अदालतमा पछि नियुक्ति गर्ने गरी परिषदले सिफारिस गरेको थियो।
तीमध्ये तुलसीपुर उच्च अदालतको बुटवल इजलासका न्यायाधीश दयानाथ खरेलले मंसिर १५ मा अवकास पाएपछि देशबहादुर सार्कीलाई, उच्च अदालत पाटनका न्यायाधीश नरेन्द्र सिवाकोटीले मंसिर १६मा अवकास पाएपछि रेखा थापा पाण्डेलाई र उच्च अदालत पोखराका जगतबहादुर श्रेष्ठ मंसिर २१ मा अवकास पाएपछि किरण कुमारी गुप्तालाई नियुक्ति गर्ने गरी सिफारिस गरिएको छ।
नवनियुक्त कानुन मन्त्री यादवले यस्तो परिपाटी राम्रो नहुने बताएका हुन्।

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।