Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

अमृताले छोरीलाई झ्यालबाट फालेर बचाइन्, आफू सिकिस्त अस्पतालमा

शुक्रबार बिहान १० बजे। रातो पछ्यौरीले टाउको बेरेकी पूजा थापा डेढ वर्षको नानी काखमा लिएर नि:शब्द थिइन्। 
उनी शोकको पीडामा थिइन्। केहीबेर बस पल्टिएको भीर हेरिन्। भीरले उनको जीवनसाथी हरेको थियो। नानीसँग भीर हेर्दै उनी एकोहोरो थिइन्।
बसका चालक ओमबहादुर थापामगर उनका श्रीमान् थिए। रुपन्देहीको गैंडाहवा-७ का ३२ वर्षीय थापाको दुर्घटनामा मृत्यु भएको थियो।  
बुधबार दिउँसो साढे १ बजे सन्धिखर्कबाट बुटवलका लागि छुटेको पश्चिम नेपाल बस व्यवसायी प्रा.लि. को लु२ख २१४८ नम्बरको बस अपराह्न ४ बजे दुर्घटनामा परेको थियो। 
दुर्घटनामा परी बस चालक रुपन्देही गैंडहवा-७ का ३२ वर्षीय चालक थापा, गाडी धनी अर्घाखाँची शितगंगा नगरपालिका वडा नम्बर २ का ३८ वर्षीय सन्तबहादुर बस्नेतसँगै १९ जना यात्रुको ज्यान गएको थियो।
पूजा वसन्तकी कान्छी श्रीमती हुन्। जेठी श्रीमतीतर्फ दुई छोरा जन्मिएपछि वसन्तले तीन वर्षपहिले पूजासँग बिहे गरेका थिए। डेढ वर्ष पहिले पूजा र वसन्तको छोरी जन्मिएकी थिइन्।
जेठी श्रीमती दुई छोरासहित केही समयदेखि माइतीमा बस्दै आए पनि बेलाबखत आउजाउ हुन्थ्यो।
वसन्त सानैदेखि पैसाको लागि विदेशमा श्रम र पसिना बगाउनुभन्दा स्वदेशमै केही गरौं भन्ने भावना राख्थे। त्यसैले पनि उनी गाडी चलाउन थाले। ४-५ वर्ष बसमा सहचालकको काम गरेका वसन्तले चार वर्षदेखि भने बस चलाउँदै आएका थिए। यसअघि अर्को बस चलाएका उनले त्यो बस बिक्री भएपछि चार महिनादेखि लु२ख २१४८ नम्बरको बस चलाउन थालेका थिए।
बुवा-आमा र दुई भाइसँगै बस्दै आएका वसन्तको परिवार खुसी नै थियो। तर, त्यो खुसी धेरै वर्ष टिक्न पाएन। बुवा-आमाको जेठो छोरा, दुई भाइको दाजु, दुई श्रीमतीको श्रीमान् र तीन सन्तानको बाबु उनी आफैंले चलाएको बस दुर्घटनामा पर्‍यो।
अर्घाखाँचीको शितगंगा नगरपालिका वडा नम्बर २ का ३८ वर्षीय गाडी धनी सन्तबहादुर बस्नेतले झण्डै एक दसक खाडीमा श्रम र पसिना बेचे। विदेशी भूमिमा कडा परिश्रम गरे पनि पारिश्रमिक राम्रै पाउँथे। तर, लामो समय खाडीमा श्रम बेच्न उनको मनले मानेन।
परिवारसँगै बसेर स्वदेशमै केही गरौं भन्ने उद्देश्यले दुई वर्ष पहिले उक्त बस किनेका थिए। सन्धिखर्क गोरुसिंगे सडकखण्डको सीतापुरमा उनको घर थियो। श्रीमती आशा बस्नेत दुई छोरा आश्विन र आशिकको हेरचाहसँगै घर-व्यवहार चलाउँथिन्।
सन्तबहादुर आउँदा-जाँदा घरमा पस्थे। लामो समय परिवारदेखि टाढा बसेका उनी नजिकै रहँदा खुसी पनि थिए। आशा बिरामी थिइन्। सन्धिखर्कबाट बस छुट्दा सन्तबहादुरले श्रीमती आशालाई उपचारको लागि सँगै बुटवल जाने भन्दै तयार हुन फोन गरेका थिए।
उपचारको लागि श्रीमानसँगै बुटवल जाने तयारी गरेकी उनले केही समयमै बस दुर्घटनामा परेको खबर सुनिन्। अपराह्न बजे भएको बस दुर्घटनाको खबर आशाले साढे पाँच बजे थाहा पाएकी थिइन्।
यो थाहा पाएपछि उनी श्रीमानको अवस्था बुझ्न घरबाट निस्किइन्। उनी घटनास्थल पुग्दा उनका श्रीमानलाई प्रहरीले उद्धार गरेर बुटवलस्थित चौराह अस्पताल लैजाने तयारी गर्दैथियो थियो।
उनी गम्भीर अवस्थामा भीरबाट उद्धार गरिएका श्रीमानसँगै गाडीमा बसिन्। उपचारको लागि श्रीमानलाई बुटवल पुर्‍याइयो। दुर्भाग्य, अस्पतालमा उपचार सुरू नहुँदै उनका श्रीमानको मृत्यु भयो।
श्रीमानसँगै उनकी देउरानी हाल कपिलवस्तु बाणगंगा-८ चप्परगाउँ बस्ने २७ वर्षकी सीता बस्नेतको पनि सोही दुर्घटनामा मृत्यु भएको थियो। सन्तबहादुर र सीताको शुक्रबार कपिलवस्तुको लक्ष्मणघाटमा सँगै दाहसंस्कार गरिएको छ।
साँघुरो र धेरै घुमाउरो मोड भएका कारण गोरुसिंगे-सन्धिखर्क खण्डको यो सडक दुर्घटनाको अत्यन्त जोखिम रहेको मानिन्छ। घटनास्थलनजिकै रहेको नरपानी प्रहरी चौकीका प्रहरी सहायक निरीक्षक सूर्यप्रसाद पन्थीका अनुसार पछिल्लो तीन महिनामा यही ठाउँमा तीन वटा गाडी दुर्घटना भएका छन्। त्यसमा २६ जनाको मृत्यु भइसकेको छ।
नरपानीदेखि घुम्तीसम्मको सडक धेरै मोडसहितको साँघुरो भएकाले गत मंगलबारदेखि चौडा गर्न र मोडहरू कटिङ गर्ने काम सुरू गरिएको थियो। सोही कामको लागि मंगलबारदेखि दस दिन बिहान ७ देखि ११ बजेसम्म र दिउँसो १ देखि ४ बजेसम्म सडकमा सवारीसाधन चलाउन रोक लगाइएको थियो।
साढे १ बजे सन्धिखर्कबाट छुटेको उक्त बस सवा दुई बजेतिर घुम्तीनजिकै मोड कटिङ भइरहेको स्थानमा आइपुगेको थियो। सडकको मोड कटिङ भइरहेका कारण बाटोमा दुई घण्टा रोकिएको बस ४ बजे घुम्तीबाट अगाडि बढेको थियो।
मोड काटिरहँदा यात्रु र सवारीसाधनलाई वारिपारि रोक्न सडकमा खटिएका प्रहरी सहायक निरीक्षक पन्थीले यात्रुले भरिएका र सन्धिखर्कबाट छुटेका बसलाई प्राथमिकता दिँदै अगाडि बढाइरहेका थिए। तर, दुई घण्टा सडकमै रोकिएको उक्त बस छ सय मिटर अगाडि पुग्दैगर्दा दुर्घटनामा परेको थियो।
पन्थी आफैंले अगाडि बढाएको बस दुई मिनेटमै ठूलो आवाजसहित भीरमा झरेको थाहा पाए। घटनास्थलमा तत्काल उनी दुई जना ट्राफिक प्रहरीसहित खटिए।
जिल्लास्थित सुरक्षा निकायको माथिल्लो तहमा खबर पठाए। तर, अत्यन्त अप्ठ्यारो भीर रहेका कारण उद्धारमा समस्या भएको उनी बताउँछन्।
‘बस झरेको देखें,  माथिबाट हेर्दा चिच्याहट सुनिन्थ्यो, कसरी उद्धार गर्ने, कहाँबाट तल झर्ने केही सोच्नै सकिने अवस्था थिएन,’ उनले भने। सडकदेखि १०-१२ मिटर तल तीन वर्षकी बालिका चिच्चाएको आवाज सुनेपछि त्यहीँबाटै उद्धार सुरू गरेको उनले बताए।
सन्धिखर्क नगरपालिका-१ की तीन वर्षकी एन्जिला भट्टराई आमासहित सन्धिखर्कबाट बस चढेकी थिइन्।
बस दुर्घटनामा परेपछि आमा अमृता भट्टराईले काखमा रहेकी छोरीलाई बसको सिसा फोडेर बाहिर फालेकी थिइन्। असई पन्थीका अनुसार एन्जिलाले आमाले आफूलाई बसबाट बाहिर फालेको बताएकी छन्। बससँगै खोल्सामा भेटिएकी अमृताको गम्भीर घाइते अवस्थामा बुटवलमा उपचार भइरहेको छ।
प्रत्यक्षदर्शी प्रहरी सहायक निरीक्षक पन्थी साँघुरो सडकमा गाडीको स्टेरिङले मोड काट्न नसक्दा दुर्घटना भएको प्रारम्भिक अनुसन्धानले देखाएको बताउँछन्।
घटनास्थलको सडक मुश्किलले १२ फिट मात्र चौडाइको रहेको र एउटा मोडको खोंच पार गरी अर्को मोड घुम्दै गर्दा तत्काल स्टेरिङ नघुमेको कारण बस दुर्घटनामा परेको देखिएको पन्थीले बताए।
घटनास्थल भन्दा ५-७ फिट अगाडि-पछाडि रुखहरू रहे पनि बस पल्टिएको स्थानमा रुख नभएको कारण बस धेरै तल खसेको प्रहरी सहायक निरीक्षक पन्थीले बताए।
गाडी धनी, चालक र १७ जना यात्रु गरी १९ जनाको ज्यान जाने गरी भएको उक्त दुर्घटनामा १६ जना यात्रु घाइते भएका छन्। जसमध्ये सन्धिखर्ककी एन्जिला भट्टराई र छत्रदेव गाउँपालिका-७ ढिकुराका १९ वर्षीय लोकनाथ पाण्डे सामान्य उपचारपछि घर फर्किएका छन्। १४ जना घाइतेहरुको बुटवल, भैरहवा र काठमाडौंमा उपचार भइरहेको छ।

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।