Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

सेनाको ब्यारेक नहटाई त्रिभुवन विमानस्थलको विस्तार

त्रिभुवन अन्तर्राष्ट्रिय विमानस्थलको स्तरोन्नति गर्न संस्कृति पर्यटन तथा नागरिक उड्डयन मन्त्रालयले नयाँ प्रस्ताव अघि बढाएको छ। सन् २००९ बाट सुरू भएको आयोजना अहिलेसम्म पूरा नभएपछि मन्त्रालयले आयोजनाको डिजाइन नै परिवर्तन गर्ने प्रस्ताव अघि बढाएको हो।
सन् २००९ देखि सुरू भएको आयोजना भूकम्पपछि अघि बढ्न सकेको छैन। विदेशी ठेकेदार कम्पनीले काम गर्न नसकेर छाडेपछि उक्त आयोजनामा ऋण दिने सम्झौता गरेको एसियाली विकास बैंकले ऋण नवीकरण गरेको छैन।
आयोजनाको मोडालिटी एडिबीले भनेअनुसार नहुने भन्दै थप छलफलको आवश्यकता भएको मन्त्रालय स्रोतले जानकारी दियो।
स्रोतका अनुसार एसियाली विकास बैंकले आफैंले तयार पारेको मास्टर प्लानअनुसारको काम गर्ने भन्दै लगानी गर्न तयार भएको थियो। तर त्यसमा पर्यटन मन्त्री योगेश भट्टराईले असहमति जनाएका छन्।
एडिबीले नेपाली सेनाको ब्यारेक हटाएर आन्तरिक टर्मिनल त्यहाँ सार्ने र अहिलेको अन्तर्राष्ट्रिय टर्मिनललाई माथिसम्म विस्तार गर्ने योजना बनाएको थियो।
यसअनुसार काम गर्दा लागत धेरै लाग्ने भन्दै मन्त्री भट्टराईले अस्वीकार गरिदिएका छन्। ब्यारेक सार्दा त्यसको लागत धेरै पर्ने मन्त्रीको धारणा छ।
मन्त्रालयको नयाँ योजनाअनुसार अहिलेको अन्तर्राष्ट्रिय टर्मिनल भवनलाई यथावत् राखिने छ। तर यसमा आगमन कक्षमात्र हुनेछ। अहिले विमानस्थलमा भएको कर्पोरेट बिल्डिङबाट आन्तरिक टर्मिनलसम्मको भागलाई समेटेर आधुनिक भवन बनाइने छ। त्यहाँ जहाज चढ्न जानेबेला पस्ने कक्ष, भिआइपी कक्ष र कर्पोरेट भवन हुनेछ।
त्यस्तै अहिलेको आन्तरिक पार्किङ भएको ठाउँ सबै अन्तर्राष्ट्रिय जहाजका लागि पार्किङ बन्ने छ। नेपाली सेना र नेपाल एयरलाइन्सको ह्यांगरलाई अलिकति व्यवस्थापन गर्दामात्र यो काम सहजै हुने र प्रसस्त स्पेस उपलब्ध हुने मन्त्रालय नागरिक उड्डयन प्राधिकरणले गरेको प्रारम्भिक अध्ययनबाट देखिएको छ।
विमानस्थलको पश्चिम भाग सबै अन्तर्राष्ट्रिय उडानका लागि प्रयोग गरिनेछ। 
त्यस्तै पश्चिमतिर पेप्सीकोलापट्टीको भागमा आन्तरिक टर्मिनल बन्ने छ। सोही क्षेत्रमा पार्किङ पनि बन्नेछ। आन्तरिक यात्रामा जानेले त्यहीँबाट जानु पर्नेछ। हेलिकप्टर र आन्तरिकको सेवा पेप्सीकोलापट्टी हुनेछ। 
२० अर्ब लगानी गर्न एडिबी तयार
यो आयोजनामा एसियाली विकास बैंक लगानी गर्न फेरि तयार भएको छ। डिजाइनमा केही हेरफेर गर्नुपर्ने भएकाले तत्काल सम्झौताको तहमा नपुगिए पनि छिटै सम्झौता हुने अधिकारीहरूको दाबी छ।
सम्झौताका लागि छलफल भइरहेकाले यसबारे आधिकारिक रूपमा बोल्न अस्वीकार गरेका एक अधिकारीले भने, ‘यसमा २० अर्बजतिको लागत अनुमान छ। पहिलेको योजनाअनुसार गएको भए यसमा कूल ६० अर्ब लाग्ने अनुमान गरिएको छ।’
पहिलेको योजनाअनुसार समय पनि सन् २०२८ सम्म लाग्ने अनुमान गरिएको थियो।  हामी त्यसको एक तिहाइ समयमै काम सकिने उनले बताए।
‘निजगढ विमानस्थल बनाउने भनिएको सन्दर्भमा काठमाडौंमा धेरै लगानी गर्नु बुद्धिमता नहुने भएकाले यसो गरिएको हो,’ उनले भने।
संस्कृति पर्यटन तथा नागरिक उड्डयन मन्त्री भट्टराईले पनि नेपाली सेनाको ब्यारेक यथावत् राखेर अहिलेको खाली स्पेसबाट अधिकतम् उपयोग गरी पूर्ण सेफ्टीको ग्यारेन्टी हुनेगरी आयोजना अघि बढाइने जानकरी दिए।
‘हामीले यसबारे अहिले छलफल गरिरहेका छौं। काठमाडौं विमानस्थलमा ठूलो लगानी गर्ने पक्षमा हामी छैनौ,’ उनले भने।
अहिले के भइरहेको छ
ऋण सम्झौता भएको १० वर्षसम्म पनि काम नभएपछि विमानस्थल क्षमता विस्तार आयोजनाको मुख्य काम अझै भएको छैन। यद्यपी टुक्राटुक्रामा प्राधिकरणले अहिले काम गरिरहेको छ।
क्षमता अभिवृद्धि बाहिर रहेको धावनमार्ग र ट्याक्सी वेको कालोपत्रे फेर्ने काम करिब सकिन लागेको छ।
स्वदेशी निर्माण व्यावसायीले जिम्मा पाएका टर्मिनलभित्रका युटिलिटीका काम पनि सकिने चरणमा छन्। त्योबाहेकका यही बीचमा ४ ठूला र २ सना जहाज अट्ने पार्किङ वे निर्माण हुने चरणमा छन्। योसँगै विमानस्थलमा पार्किङ वेको संख्या १५ पुग्ने छ।
तर धावनमार्गसँगै वरदेखि परसम्म ट्याक्सी वे बनाउने, एक्जिट वे र लिंक वे बनाउने काम भने सुरूभएको छैन। त्यस्तै धावनमार्ग ३ सय मिटर विस्तार गर्ने काम पनि रोकिएको छ। यो पहिलो चरणको काम हो।
त्यस्तै टर्मिनल बनाउने, डोमेस्टिक पार्किङ तथा एप्रोन निर्माणको काम भने दोस्रो चरणमा हुने छ। यसमा नेभिगेशन आधुनिकीकरण पनि रहेको छ।

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।