Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

'फुटबलमा प्रतिद्वन्द्वी सानो-ठूलो हुँदैन'

दक्षिण एसियाली खेलकुद (साग) मा नेपाली फुटबल टिमको प्रदर्शन गर्व गर्न लायक छ।
नेपालले १२ संस्करणमध्ये ५ संस्करणमा फाइनलमा स्थान बनाएको छ।
५ मध्ये नेपालले ३ पटक स्वर्ण चुमेको छ। सन् १९९४ को पहिलो संस्करणमा स्वर्ण जितेको नेपाली फुटबल टिमले १९९३ मा पनि पहिलो स्थान हात पारेको थियो।
सन् २०१६ मा भारतमा भएको १२ औं सागमा नेपालले घरेलु टिम भारतलाई फाइनलमा हराएर साग फुटबलमा २३ वर्षपछि स्वर्ण जितेको थियो। नेपाल १९८७ र १९९९ मा भने फाइनलमा पराजित भएको थियो।
सागमा जितेका ३ स्वर्णमध्ये नेपाली राष्ट्रिय टिमले २ र यु–२३ टिमले एक स्वर्ण जितेका छन्।
सन् २००४ मा पाकिस्तानमा भएको नवौं सागदेखि फुटबलमा यु–२३ टिमबीच प्रतिस्पर्धा हुन थालेको थियो।
घरेलु मैदानमा आइतबारदेखि सुरू हुने १३ औं सागमा नेपालले लगातार दोस्रो स्वर्ण जित्ने लक्ष्य बनाएको छ।
जसका लागि नेपाली टिमले चार महिनादेखि तयार गरिरहेको छ। तयारीका क्रममा नेपालले म्यानमारको यु–२३ टिमसँग अभ्यास खेल खेलेको थियो। जुन खेल २–२ को बराबरीमा सकिएको थियो।
यु–२३ टिममा रहेका खेलाडी सिनियर टिममा पनि रहेकाले त्यसको फाइदा हुने प्रशिक्षक बालगोपाल महर्जन बताउँछन्।
यु–२३ टिममा सिनियर टिममा रहेका ८ जना खेलाडी छन्।
'टिममा रहेका कतिपय खेलाडीले सिनियर टिमबाट विश्वकप छनोटका ५ वटा खेल खेलेका छन्,' सन् १९९३ मा नेपालले साग फुटबलमा स्वर्ण जित्दाका खेलाडी महर्जनले भने, 'अहिले मुख्य चुनौती टिम सेट मिलाउने देखिएको छ।'
सिनियर टिमका खेलाडी र युवा खेलाडीबीच समन्वय बनाउन यु–२३ टिमले त्रिभुवन आर्मीसँग अभ्यास खेल समेत खेलेको छ।
'खेलप्रतिको लगावबाहेक हामी प्राविधिक रूपमा सबल छौं, सेटपिसबाट गर्न सक्नु अर्को बलियो पक्ष हो,' महर्जनले भने।
अर्कोतर्फ दशरथ रंगशालामा ५ वर्षपछि खेल्न पाउँदा खेलाडीहरू उत्साहित छन्।
भूकम्पका कारण क्षतिग्रस्त रंगशालामा सागका लागि तयार भएको हो।
टिममा अनुभवी खेलाडीत्रय विमल घर्तीमगर, अञ्जन विष्ट र दिनेश राजवंशी हुने छैनन्। अनुशासनको कारबाहीमा परेका उनीहरूको सट्टामा राजेश परियार, प्रेजन तामाङ र राजीव लोप्चनले खेल्दैछन्।
'तीन जना खेलाडीको क्षमता आफ्नो ठाँउमा छ। तर अनुशासन भएन भने क्षमताले मात्र काम हुँदैन,' महर्जनले भने, 'उनीहरूको सट्टामा आएका खेलाडी पनि प्रतिभावान छन्, युवा छन्। उनीहरूलाई आफू सक्षम भएको देखाउन एउटा अवसर छ।' यसपटकको सागमा भारत सहभागी छैन। साग गेम्स फिफा वा एएफसीको अन्तर्राष्ट्रिय क्यालेन्डरमा समावेश नहुँदा भारतले व्यवसायिक लिग खेलिरहेका आफ्ना खेलाडीलाई राष्ट्रिय टिममा बोलाउन नसकेको हो।
साग अन्तर्राष्ट्रिय क्यालेन्डरमा समावेश भएको अवस्थामा भने क्लबहरू राष्ट्रिय टिमका लागि खेलाडी छाड्न बाध्य हुन्थे।
भारत नहुँदा साग फुटबल पाँच टिमबीच राउन्ड रोबिनको आधारमा प्रतिस्पर्धा हुनेछ।
शीर्ष २ टिमबीच स्वर्णका लागि भिडन्त हुनेछ। सागमा नेपालसहित बंगलादेश, माल्दिभ्स, श्रीलंका र भुटानबीच प्रतिस्पर्धा हुनेछ।
'सागको सशक्त टिम भारत नै हो। त्यो टिमलाई जित्दा अर्कै महशुस हुन्छ,' महर्जनले भने, 'तर प्रतिस्पर्धामा यो आए राम्रो त्यो नआए नराम्रो भन्ने हुँदैन। जो प्रतिद्वन्द्वी हो उसलाई नै सशक्त मान्नु पर्छ। फुटबलमा सानो–ठूलो प्रतिद्वन्द्वी हुँदैन।'
भारत दक्षिण एसियाको बलियो टिम हो।
साग फुटबलमा भारत ६ पटक फाइनल पुगेको छ। जसमा भारत ३ पटक च्याम्पियन बनेको छ। भारत नहुँदा नेपाल लगायतका टिमका लागि स्वर्ण जित्न केही सहज भने पक्का हुनेछ। जसमा साविक विजेता नेपालले बढी फाइदा उठाउन सक्छ।
'२० वर्षपछि घरेलु भूमिमा साग आयोजना हुँदैछ। त्यसैले घरेलु दर्शकअघि गत संस्करण जस्तै नतिजा निकालेर स्वर्ण जित्ने हाम्रो लक्ष्य हो,' प्रशिक्षक महर्जनले भने।
नेपालको खेल
नेपाल भर्सेस भुटान – मंसिर १७ गते – दिउँसो १ बजे
नेपाल भर्सेस श्रीलंका – मंसिर १८ गते – साँझ ५ बजे
नेपाल भर्सेस माल्दिभ्स – मंसिर २० गते – साँझ ५ बजे
नेपाल भर्सेस बंगलादेश – मंसिर २२ गते – साँझ ५ बजे
नेपाली टिम
गोलकिपर – विकेश कुथु, अर्पण कार्की, दीप कार्की डिफेन्डर – अनन्त तामाङ, सुमन अर्याल, विक्रम लामा, विकास खवास, मिक्चेन तामाङ, छिरिङ गुरुङ, राजेश परियार
मिडफिल्डर – सुजल श्रेष्ठ (कप्तान), सुनील बल, हेमन्त थापामगर, नितिन थापा, सेसेहाङ आङदाङ्म्बे, तेज तामाङ
फरवार्ड – राजिव लोप्चन, अभिषेक रिजाल, रेजिन सुब्बा, प्रेजन तामाङ

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।