Skip to main content

कोरोना संक्रमितको संख्या ४ लाख ७१ हजार नाघ्यो, दुई हप्तामा चार गुना बढे

पछिल्लो दुई सातामा विश्वभर कोरोना भाइरस संक्रमितको संख्या चार गुनाले बढेको छ। कोरोना भाइरसको पछिल्लो विश्व विवरण अनुसार हालसम्म ४ लाख  ७१ हजार ३४ जनामा यसको संक्रमण पुष्टि भएको छ जबकी दुई साता अगाडि मार्च १० मा यो संख्या १ लाख १८ हजार ९ सय ४८ थियो। त्यसयता संक्रमितको संख्या झण्डै ३ लाख ५२ हजार ८६ ले बढेको छ। पछिल्लो समय भने कोरोना भाइरसको ‍ इपिसेन्टर अमेरिका भएको छ। त्यहाँ हालसम्म यसको संक्रमणबाट एक हजार ३२ जनाको मृत्यु भइसकेको छ भने ६८ हजार बढी संक्रमित भइसकेका छन्। पछिल्ला दिनमा देखिएको संक्रमणदरले यही गतिमा बढेमा अमेरिका विश्वको सबैभन्दा बढी संक्रमितको देश बन्ने विश्लेषकहरूले अनुमान गरेका छन्। अहिले अमेरिका भन्दा बढी संक्रमित चीन र इटालीमा मात्र छन्। चीनमा ८१ हजार बढी संक्रमित छन् भने इटालीमा ७४ हजार बढी संक्रमित छन्। पछिल्लो समय चीनमा संक्रमण रोकिएको छ भने इटालीमा भने संक्रमितको संख्या ७४ हजार बढीमा देखिएको छ भने ७ हजार पाँच सय ३ जनाको मृत्यु भइसकेको छ। त्यसैगरी कोरोना भाइरसको संक्रमणबाट ज्यान गुमाउने मुलुकमा  स्पेन दोश्रो नम्बरमा पुगेको छ। त्यहाँ हालसम्म ३६ सय

प्रधानमन्त्रीलाई 'छोरी' ठिल्लेको शुभकामना

मुगु — प्रधानमन्त्री केपी शर्मा ओली बिरामी भएको खबरले ठिल्ले साङ्मू र उनका अभिभावकलाई बेचैन बनाएको छ । ठिल्ले प्रधानमन्त्री ओलीकी ‘छोरी’ हुन् । उनलाई २०७५ वैशाख १ गते ओलीले अभिभावकत्व प्रदान गर्दै विद्यालय भर्ना गरेका थिए । माग्रीगाउँकी ९ वर्षीया यी बालिका र उनका अभिभावकले प्रधानमन्त्री ओली बिरामी भएको खबर पाएपछि स्वास्थ्यलाभको कामना गरिरहेका छन् ।
‘अस्पतालमै गएर त भेट्न सकिँदैन होला, तैपनि हामीले भगवान बुद्धसँग छिटो निको होस् भनेर कामना गरिरहेका छौं,’ ठिल्लेका ७८ वर्षीय हजुरबुवा कार्माछेवाङ तामाङले भने, ‘कसैले काठमाडौं पुर्‍याइदिए त भेटेरै भलाकुसारी गर्न हुन्थ्यो ।’ रेडियोबाट प्रधानमन्त्री बिरामी भएको खबर थाहा पाएपछि नातिनी पनि चिन्तित भएकी उनले बताए ।

दुई वर्षअघि ठिल्लेलाई प्रधानमन्त्री ओलीले काखमा राखेर विद्यालय भर्ना गरेका थिए । त्यसयता ‘बाउ–छोरी’को भेट भएको छैन । यद्यपि ओलीले उनको लागि स्टेसनरी, पोशाक, खाजाको लागि पैसा पठाइरहेका छन् । प्रधानमन्त्रीको सचिवालयबाट वर्षेनि करिब २५ हजार बराबर सहयोग हुँदै आएको उनी अध्ययनरत बुद्ध माध्यमिक विद्यालयले जनाएको छ । ठिल्ले २ कक्षामा पढिरहेकी छिन् ।

उनले १ कक्षाको अन्तिम परीक्षामा ८५ प्रतिशत ल्याएर उत्तीर्ण भएकी थिइन् । उनी आफ्नो पढाइ र प्रगतिबारे बुवा (प्रधानमन्त्री)लाई सुनाउन चाहन्छिन् । गाउँमा पनि उनलाई सबैले ‘प्रधानमन्त्रीकी छोरी’ भनेर बोलाउँछन् । विद्यालयका प्रधानाध्यापक डिलेन्द्र शाहीले प्रधानमन्त्रीको स्वास्थ्यबारे चर्चा हुँदा ठिल्ले चिन्तित देखिने गरेका बताए । एकपटक काठमाडौंमै गएर भए पनि भेट्ने इच्छा देखाएको उनको भनाइ छ । ‘उनी नियमित विद्यालय आउँछिन्, पढाइमा पनि तेज छिन्,’ उनले भने, ‘तिम्रो ‘बुवा’ बिरामी छन् भनेर कसैले सुनाउँदा दुःखी हुन्छिन् ।’

ठिल्ले गर्भमै हुँदा बुवाको मृत्यु भयो । आमा छिजु लामा र हजुरबुवा कार्माछेबाङको संरक्षणमा उनी हुर्किइन् । उमेर बढे पनि विद्यालय पढ्न भने पाइनन् । यस्तैमा २०७५ वैशाख १ मा कर्णाली प्रदेश सरकारले आयोजना गरेको ‘कर्णाली–रारा पर्यटन वर्ष’ उद्घाटन गर्न गएका प्रधानमन्त्री ओलीले अभिभावकत्व प्रदान गर्दै विद्यालय भर्ना गरेका थिए । घरमा अनेक समस्या भए पनि प्रधानमन्त्रीकी ‘छोरी’ भएकै कारण साङ्मूको पढाइमा मिहिनेत गरेको आमा छिजुले बताइन् । ‘साँझ दियालो बालेर भए पनि छोरीलाई पढ्ने व्यवस्था मिलाएकी छु,’ उनले भनिन्, ‘सुख, दुःख जेजस्तो भए पनि पढाउनै पर्‍यो नि ।’

गाउँमा बालविवाह ठूलो समस्याको रुपमा रहेको छ । यसले नातिनीबारे हजुरबुवा कार्माछेवाङ चिन्तित छन् । आफू पनि दमको बिरामी भएको र प्रधानमन्त्री पनि अस्वस्थ भइरहँदा भोलि बीचमै पढाइ छोडेर विवाह गराइदिने हुन् कि भन्ने चिन्ता लागिरहने उनले बताए ।

माग्रीगाउँकै छिरिङछोन्जुङ लामालाई प्रधानमन्त्रीपत्नी राधिका शाक्यले अभिभावकत्व प्रदान गर्दै सोही दिन विद्यालय भर्ना गरेकी थिइन् । प्रधानमन्त्रीको स्वास्थ्यले उनलाई पनि पिरोलेको छ । प्रधानाध्यापक शाहीका अनुसार विद्यालय र गाउँमा उनलाई पनि प्रधानमन्त्रीकी छोरी भनेर बोलाउने गरिन्छ । ‘भावनात्मक सम्बन्धले पनि धेरै प्रभाव पार्दोरहेछ,’ उनले भने, ‘हाम्रो विद्यालयमा अध्ययनरत प्रधानमन्त्री र प्रधानमन्त्रीपत्नीका छोरीहरु यसबाट कसरी अछुतो रहन सक्छन् ?’

११ वर्षीया छिरिङछोन्जुङ ३ कक्षामा पढ्छिन् । उनका बुवा कार्मानाङग्याल लामाको यार्सा टिप्न जाँदा चार वर्षअघि अपरिचित व्यक्तिले हत्या गरेका थिए । आमा टोमाले घरको समस्याले विद्यालय नगइरहेको बेला प्रधानमन्त्रीकी पत्नीले भर्ना गरेर ठूलो गुन लगाएको बताइन् ।

मुगुका प्रतिनिधिसभा सदस्य मोहन बानियाँले केही समयअघि प्रधानमन्त्री ओलीले दुईजनै ‘छोरी’लाई काठमाडौं बोलाएर राम्रो विद्यालयमा भर्ना गर्नेबारे योजना सुनाएको बताए । प्रधानमन्त्रीको उक्त सन्देश सुनाएपछि बालिका र उनको परिवार खुसी भएका उनको भनाइ छ ।

Comments

Popular posts from this blog

कसले सार्वजनिक गर्‍यो पशुपतिको शिवलिंगको फोटो?

पशुपतिनाथ मन्दिरभित्रको मुख्य शिवलिंगको फोटो केही दिनअघि सामाजिक सञ्जालको एउटा ग्रुपमा भाइरल भयो। ‘पशुपति सन्त सम्मेलन’ नामको ह्वाट्सएप ग्रुपमा उक्त सार्वजनिक भएपछि विवाद सुरू भएको छ। साधारणतया पशुपतिनाथभित्र तस्बिर खिच्न नपाइने नियम छ। आखिर कसले गर्‍यो त उक्त फोटो सार्वजनिक? पशुपति क्षेत्र विकास कोषमा नियुक्त भएका सदस्य अर्जुनप्रसाद बास्तोलालाई शिवलिंगको फोटो ह्वाट्सएपमा सेयर गरेको आरोप लागेको छ। यो घटनापछि बास्तोलाले पशुपतिनाथकै अनादर गरेको भन्दै सम्बद्ध क्षेत्रका अधिकारीहरू रूष्ट बनेका छन्। ‘साधारणतया पशुपतिनाथभित्र तस्बिर खिच्न नपाइने नियम छ, यो नियम पशुपतिनाथको गरिमाका लागि बनाइएको हो,’ पूर्वसदस्यसचिव डा. गोविन्द टण्डनले भने, ‘अरूलाई खिच्न नदिने ठाउँमा बसेको मान्छे आफैंले यस्तो फोटो सुरक्षित राख्नु नै राम्रो हुन्छ।’ पशुपतिनाथ विश्व सम्पदा सूचीमा सूचीकृत छ। परम्परादेखि नै यहाँ तस्बिर खिच्न मनाही गरिएको छ। ‘लामै समयदेखि नै यहाँ तस्बिर खिच्न मनाही छ। गुहेश्वरीमा पनि निषेध थियो। भूकम्पपछि कसैले रोक्न नसकेर खुला छ,’ टण्डनले भने, ‘खुला गरियो भने भयावह हुन्छ, यसले धार्मि

स्वरोजगार बन्न चाहनुहुन्छ? पालुङटार नगरपालिकाले दिन्छ विनाब्याज १० लाख रूपैयाँ

गोरखाको पालुङटार नगरपालिकाले संघीय सरकारको सिको गर्दै युवा स्वरोजगार कार्यक्रम लागू गरेको छ। केन्द्र सरकारले प्रधानमन्त्री रोजगार कार्यक्रमबाट पाँच लाख युवालाई रोजगारी दिने यस्तै कार्यक्रम गत वर्ष ल्याएको थियो। त्यसका लागि तीन अर्ब १० करोड रूपैयाँ विनियोजन गरिएको थियो। यस्तै शैक्षिक प्रमाणपत्र धितोमा राखेर सात लाख रूपैयाँसम्म ऋण दिने अर्को कार्यक्रम पनि सरकारले ल्याएको थियो। तर ऋण लिने प्रक्रिया झण्झटिलो भएपछि विद्यार्थीले ऋण लिएका छैनन्। बाबुराम भट्टराई अर्थमन्त्री हुँदा पनि यस्तै कार्यक्रम लागू भएको थियो। पाँच लाख जना युवालाई स्वरोजगार बनाउने भनिएको त्यो कार्यक्रम स्वरोजगार बन्नेलाई भन्दा कार्यकर्तालाई पैसा दिएपछि असफल भयो। संघ सरकारले नाम फेरेर पटकपटक ल्याएका स्वरोजगार कार्यक्रम सफल नभएका बेला गोरखाको पालुङटार नगरपालिकाले फेरि यस्तै कार्यक्रम लागू गरेको छ। नगरभित्र बसोबास गर्नेलाई स्वरोजगार बनाएर कृषि उपजमा आत्मनिर्भर बनाउने नगरपालिकाको योजना छ। त्यसका लागि गत शुक्रबारदेखि विना ब्याज कर्ता वितरण पनि सुरू भइसकेको छ। ‘युवालाई आफ्नै गाउँमा स्वरोजगार बनाएर विदेश पलायन हुन

गौरिकाको पुरस्कार ६५ लाख, मण्डेकाजी, आयशा र सुवासले २२/२२ लाख पाउने

१३ औं दक्षिण एसियाली खेलकुद (साग) मा एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ।  सागमा पौडीकी गौरिका सिंह, करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले एक भन्दा बढी स्वर्ण जितेका थिए।  गौरिकाले ४ स्वर्ण जित्दा अरुले २–२ स्वर्ण जितेका थिए। गौरिकाले थप २ रजत र ३ कास्य पनि जितेकी थिइन्। जसअनुसार उनले पाउने कुल पुरस्कार रकम ६५ लाख हुन्छ। ‘एकभन्दा  बढी स्वर्ण जित्ने खेलाडीको हकमा एक स्वर्णको ११ लाख दिने निर्णय भएको छ’, प्रधानमन्त्रीका प्रेस सल्लाहकार सूर्य थापाले भने, ‘यसरी हिसाब गर्दा  गौरिका सिंहले जम्मा पुरस्कार ६५ लाख पाउने देखिन्छ।’   गौरिका बाहेक अन्य तीन खेलाडीले भने २२ लाख पाउनेछन्। स्वर्ण पदक जिताउने प्रशिक्षकलाई पनि पाँच लाख दिने सरकारले घोषणा गरेको छ।